Təhsil

2008-2019: Biləsuvar rayonu Vüqar Rüstəmov adına Ağayrı kənd tam orta məktəbində orta təhsilini bitirmişdir.

2019-2023: Sumqayıt Dövlət Universiteti Tarix və coğrafiya fakültəsinin coğrafiya müəllimliyi ixtisası üzrə bakalvr təhsili almışdır.

2023-2025: Sumqayıt Dövlət Universitetinin Mühəndislik fakültəsinin Ekologiya mühəndisliyi ixtisası üzrə magistr təhsili almışdır.

2025-2029: Rusiya Federasiyası Dünya İqtisadiyyatı İnstitutunda “Menecment” ixtisası üzrə doktorantura təhsili alır.

Elmi fəaliyyətində multidisiplinar yanaşmanı əsas götürən tədqiqatçı kimi formalaşmışdır. Onun elmi maraq dairəsi əsasən ekoloji mühəndislik, ətraf mühitin mühafizəsi, təbii ehtiyatların səmərəli idarə olunması, davamlı inkişaf, eləcə də idarəetmə və menecment sahələrini əhatə edir. Magistratura təhsili dövründə ekoloji proseslərin təhlili, sənaye fəaliyyətinin ətraf mühitə təsirləri və bu təsirlərin azaldılması mexanizmləri üzrə tədqiqatlar aparmışdır.

Elmi araşdırmalarının nəticələri yerli elmi nəşrlərdə məqalələr şəklində dərc olunmuş, respublika və beynəlxalq səviyyəli elmi konfrans, forum və seminarlarında təqdim edilmişdir. Elmi tədbirlərdə iştirakı ona akademik müzakirələrdə fəal mövqe tutmaq, yeni elmi yanaşmalarla tanış olmaq və tədqiqat nəticələrini mütəxəssislərlə bölüşmək imkanı yaratmışdır.

Doktorantura təhsili çərçivəsində menecment sahəsində elmi-tədqiqat fəaliyyətini davam etdirir. Tədqiqatlarında idarəetmədə müasir metodlar, strateji planlaşdırma, insan resurslarının idarə olunması və təşkilati inkişaf məsələlərinə xüsusi diqqət yetirir. Elmi fəaliyyətinin əsas məqsədi nəzəri biliklərin praktiki tətbiq imkanlarının araşdırılması və elmi nəticələrin real idarəetmə proseslərində istifadəsinə töhfə verməkdir.

Elmi fəaliyyəti ilə yanaşı, əldə etdiyi bilik və təcrübəni tədris prosesində tətbiq edərək tələbələrin elmi dünyagörüşünün formalaşmasına töhfə verir.