Xəbərlər

Sumqayıt Dövlət Universiteti Tələbə Həmkarlar İttifaqı Komitəsi və Kitabxana İnformasiya Mərkəzində gənc yazar Aynur İsmayılın “General Kızı” romanının təqdimat mərasimi keçirilib.

Sumqayıt Dövlət Universiteti Tələbə Həmkarlar İttifaqı Komitəsi və Kitabxana İnformasiya Mərkəzində gənc yazar Aynur İsmayılın “General Kızı” romanının təqdimat mərasimi keçirilib.

Tədbiri mərkəzin direktoru Leyla Allahverdiyeva açaraq müəllif və onun yaradıcılığı haqqında iştirakçılara məlumat verib. O, qeyd edib ki, “General Kızı” romanı gənclərin vətənpərvərlik ruhunda formalaşmasına, birlik və bərabərlik dəyərlərinin aşılanmasına, həmçinin ailə bağlarının möhkəmləndirilməsinə xidmət edən dəyərli əsərlərdən biridir. Sonra müəllif Aynur İsmayıl çıxış edərək romanın türk dilində yazıldığını bildirib və əsər barədə tələbələrə geniş məlumat verib. Qeyd olunub ki, kitabda İkinci Qarabağ müharibəsi dövründə xalqın vətənə bağlılığı, qəhrəmanlıq ruhu və milli həmrəylik mövzularına xüsusi yer ayrılıb. Tədbirin sonunda tələbələri maraqlandıran suallar müəllif tərəfindən cavablandırılıb, kitablar imzalanaraq iştirakçılara təqdim olunub.

Sumqayıt Dövlət Universitetində (SDU) universitet və Dövlət Məşğulluq Agentliyinin birgə təşkilatçılığı ilə “Karyera Körpüsü: Diplomdan peşəkarlığa ilk addım” adlı Karyera Sərgisi və Əmək Yarmarkası keçirilib.

Sumqayıt Dövlət Universitetində (SDU) universitet və Dövlət Məşğulluq Agentliyinin birgə təşkilatçılığı ilə “Karyera Körpüsü: Diplomdan peşəkarlığa ilk addım” adlı Karyera Sərgisi və Əmək Yarmarkası keçirilib.

Sumqayıt Dövlət Universiteti Tələbə Həmkarlar İttifaqı Komitəsi və Kitabxana İnformasiya Mərkəzinin birgə təşkilatçılığı ilə yazıçı Dilşad Talıbova ilə görüş təşkil olunub.

Sumqayıt Dövlət Universiteti Tələbə Həmkarlar İttifaqı Komitəsi və Kitabxana İnformasiya Mərkəzinin birgə təşkilatçılığı ilə yazıçı Dilşad Talıbova ilə görüş təşkil olunub. Tədbiri giriş sözü ilə açan mərkəzin direktoru Leyla Allahverdiyeva belə görüşlərin tələbələrin mütaliə vərdişlərinin formalaşmasında, onların estetik dünyagörüşünün zənginləşməsində və müasir Azərbaycan ədəbiyyatına marağının artırılmasında mühüm rol oynadığını diqqətə çatdırıb. O, yazıçı Dilşad Talıbovanın yaradıcılıq fəaliyyətindən bəhs edərək əsərlərində insan duyğularının, həyat hadisələrinin və mənəvi dəyərlərin yüksək bədii dillə əks olunduğunu bildirib. Ədəbiyyatın cəmiyyətin mənəvi inkişafında xüsusi əhəmiyyət daşıdığını vurğulayan direktor gəncləri mütaliəyə daha çox vaxt ayırmağa, bədii ədəbiyyat vasitəsilə dünyagörüşlərini inkişaf etdirməyə çağırıb. Yazıçı Dilşad Talıbova səmimi görüşə görə universitet rəhbərliyinə təşəkkürünü bildirib və yaradıcılıq fəaliyyətinə qısa nəzər salıb. Görüş zamanı tələbələr yazıçının əsərləri, obrazları və yaradıcılıq prosesi ilə bağlı suallar ünvanlayıb, oxuduqları kitablar haqqında fikirlərini bölüşüblər. Səmimi müzakirələr şəraitində keçən tədbirdə müəllif gənclərlə ədəbi düşüncələrini paylaşaraq onların suallarını cavablandırıb. Sonda Dilşad Talıbova gələcək yaradıcılıq planlarından danışıb, tələbələr üçün kitablarını imzalayıb və xatirə şəkilləri çəkdirilib.

Sumqayıt Dövlət Universitetində Tələbə Həmkarlar İttifaqı Komitəsi, Psixoloji xidmət və Qüsursuz Nitq Mərkəzinin birgə təşkilatçılığı ilə “İmtahan stresinin idarə olunması” mövzusunda maarifləndirici təlim keçirilib.

Sumqayıt Dövlət Universitetində Tələbə Həmkarlar İttifaqı Komitəsi, Psixoloji xidmət və Qüsursuz Nitq Mərkəzinin birgə təşkilatçılığı ilə “İmtahan stresinin idarə olunması” mövzusunda maarifləndirici təlim keçirilib.

Təlimi universitetin sosial məsələlər və ictimaiyyətlə əlaqələr üzrə prorektoru, dosent Elmar Xəlilov açaraq imtahan dövründə tələbələrə psixoloji dəstəyin vacibliyini vurğulayıb, belə təlimlərin onların şəxsi inkişafına müsbət təsir göstərdiyini bildirib.

Sonra təlimçi, klinik psixoloq və psixoterapevt Rüfət Xəlilzadə çıxış edərək tələbələrə imtahan dövründə yaranan psixoloji gərginliyin səbəbləri, stresin insan davranışına və akademik nəticələrə təsiri, həyəcanın düzgün idarə olunması üsulları barədə məlumat verib. Təlim zamanı diqqətin cəmlənməsi, motivasiyanın qorunması, özünəinamın artırılması, vaxtın düzgün planlaşdırılması və imtahan öncəsi emosional hazırlıq kimi vacib məqamlara toxunulub. İnteraktiv formatda təşkil olunan təlimdə tələbələrin sualları cavablandırılıb.

SDU-da iməclik keçirilib

Mayın 15-də Sumqayıt Dövlət Universitetinin (SDU) kampusunda iməclik keçirilib.

İməclikdə universitetin rəhbərliyi, professor-müəllim heyəti, inzibati heyətin üzvləri və tələbələr iştirak ediblər. Kampus ərazisində həyata keçirilən tədbir çərçivəsində ağaclara qulluq olunub, yaşıllıq sahələrində abadlıq işləri aparılıb, ərazidə təmizlik işləri görülüb.

İştirakçılar tərəfindən ağacların dibi yumşaldılıb, kampusun ekoloji vəziyyətinin daha da yaxşılaşdırılması və ətraf mühitin qorunması istiqamətində müxtəlif tədbirlər həyata keçirilib.

Tədbirin sonunda iştirakçılar çay süfrəsi arxasında bir araya gələrək səmimi fikir mübadiləsi aparıblar.

Ümummilli lider Heydər Əliyevin 103-cü ildönümünə həsr olunmuş silsilə tədbirlər

SDU Tələbə Həmkarlar İttifaqı Komitəsinin üzvlərinə media hesabatı

Sumqayıt Dövlət Universitetinin Tələbə Həmkarlar İttifaqı Komitəsinin təşkilatçılığı ilə Ümummilli Lider Heydər Əliyevin anadan olmasının 103-cü ildönümünə həsr olunmuş silsilə tədbirlər uğurla yekunlaşıb.

Sumqayıt Dövlət Universitetində Bədii yaradıcılıq festivalının baxış müsabiqəsi keçirilib

Artıq 21 ildir təşkil olunan bu layihənin əsas məqsədi gənclərə milli vətənpərvərlik ruhunun aşılanması, onların mədəniyyətimizə, incəsənətimizə və adət-ənənələrimizə hörmət ruhunda tərbiyə olunması, bədii-estetik zövqlərinin formalaşdırılmasıdır. Eyni zamanda layihə incəsənətin müxtəlif sahələri üzrə istedadlı gənclərin üzə çıxarılmasına və onların yaradıcılıq potensialının inkişaf etdirilməsinə dəstək göstərir. Aprelin 2-də Sumqayıt Dövlət Universitetində (SDU) keçirilən baxış-müsabiqəsi universitetin Tələbə Həmkarlar İttifaqı Komitəsi və Bədii yaradıcılıq sektorunun birgə təşkilatçılığı ilə baş tutub. Müsabiqə çərçivəsində tələbələrin səsləndirdiyi şeirlər, ifa etdikləri yerli və xarici musiqi nömrələri, eləcə də təqdim etdikləri rəqs kompozisiyaları münsiflər heyəti tərəfindən izlənilib. Müsabiqənin münsiflər heyətində xalq artistləri Samir Cəfərov, Gülyanaq Məmmədova, Təranə Muradova, Əməkdar artist Rəşad Haşımov, Əməkdar incəsənət xadimi Baba Vəziroğlu təmsil olunublar. Münsiflər iştirakçıların çıxışlarını yüksək qiymətləndirərək onların yaradıcılıq potensialını xüsusi qeyd ediblər. Tədbir tələbələrin fəallığı və maraqlı çıxışları ilə yadda qalıb.

Qeyd edək ki, festivalın qaliblərinin iştirakı ilə yekun konsert proqramı may ayında keçiriləcək. Qaliblər fəxri fərman və qiymətli hədiyyələrlə təltif olunacaqlar.

Aprel döyüşləri qəhrəmanlıq və şərəf tariximizdir. Şəhidlərimizi dərin ehtiramla anırıq

Aprel döyüşləri qəhrəmanlıq və şərəf tariximizdir. Şəhidlərimizi dərin ehtiramla anırıq.

Sumqayıt Dövlət Universitetində 31 Mart – Azərbaycanlıların Soyqırımı Gününə həsr olunmuş elmi-praktik seminar keçirilib

Sumqayıt Dövlət Universitetində 31 Mart – Azərbaycanlıların Soyqırımı Gününə həsr olunmuş elmi-praktik seminar keçirilib

Sumqayıt Dövlət Universiteti Həmkarlar İttifaqı Komitəsi və Tələbə Həmkarlar İttifaqı Komitəsinin birgə təşkilatçılığı ilə möhtəşəm Novruz bayramı qeyd olunub

Martın 16-da Sumqayıt Dövlət Universitetində Novruz bayramına həsr olunmuş tədbir keçirilib. Tədbiri rektor vəzifəsini icra edən Əminağa Sadıqov açaraq müəllim və tələbələri bayram münasibətilə təbrik edib, Novruzun milli birlik və dəyərlərin qorunmasında əhəmiyyətini vurğulayıb.

O, universitetin son illərdə əldə etdiyi uğurlardan, xüsusilə beynəlxalq əlaqələrin genişlənməsi və tələbə sayının artmasından bəhs edib, bu nailiyyətlərdə müəllim və tələbələrin rolunu qeyd edib.

Tədbir bədii proqram və konsertlə davam edib. “Səma” rəqs qrupunun çıxışı, milli səhnəciklər, Kosa-Keçəl obrazları və saz ifaları təqdim olunub. Konsert proqramında Mirzə Bağırov, Hicran Əhmədova və Roza Kərimli çıxış ediblər.

Bayram proqramı iştirakçılara yüksək əhval-ruhiyyə bəxş edib.

Novruz şənliyi elanı

Əziz Sumqayıt Dövlət Universitetinin professor-müəllim heyəti və tələbələri!

Sizi Sumqayıt Dövlət Universitetində təşkil olunacaq Novruz şənliyinə dəvət edirik. Baharın gəlişini, milli dəyərlərimizi və Novruzun gözəl ənənələrini birlikdə qeyd etmək üçün hamınızı bu bayram tədbirində görməkdən məmnun olarıq.

Tarix: 16 mart 2026

Məkan: SDU əsas korpusu

Saat: 15:00

Bayram əhval-ruhiyyəli bu şənlikdə iştirak edərək Novruzun sevincini birlikdə paylaşaq!

Sumqayıt Dövlət Universitetinin Riyaziyyat fakültəsində 8 Mart -Beynəlxalq Qadınlar Günü münasibətilə “Azərbaycanda gender bərabərliyi və qadın hüquqları” adlı tədbir təşkil olunub.

Sumqayıt Dövlət Universitetinin Riyaziyyat fakültəsində 8 Mart -Beynəlxalq Qadınlar Günü münasibətilə “Azərbaycanda gender bərabərliyi və qadın hüquqları” adlı tədbir təşkil olunub. Riyaziyyat və informatikanın tədrisi texnologiyası kafedrasının və fakültə üzrə Tələbə Həmkarlar İttifaqı Komitəsi, Tələbə Elmi Cəmiyyəti, Tələbə Gənclər Təşkilatının təşkilatçılığı ilə keçirilən tədbirdə müəllim və tələbələr iştirak ediblər. Tədbirin məqsədi cəmiyyətdə gender bərabərliyi prinsiplərinin əhəmiyyətini vurğulamaq, qadınların elm, təhsil və ictimai həyatda rolunu diqqətə çatdırmaq olub. Tədbiri giriş sözü ilə açan Riyaziyyat və informatikanın tədrisi texnologiyası kafedrasının müdiri, dosent Məftun Heydərova gender bərabərliyinin müasir cəmiyyət üçün böyük əhəmiyyət kəsb etdiyini qeyd edib. Bildirib ki, qadınların təhsil, elm və ictimai həyatda fəal iştirakı cəmiyyətin inkişafının vacib şərtlərindən biridir. Sonra kafedranın baş müəllimi Vüsalə Süleymanova “Qadınların tarix səhnəsində izi-bərabər hüquqlar güclü cəmiyyət deməkdir” mövzusunda təqdimatla çıxış edərək tarix boyu qadınların cəmiyyətin inkişafında oynadığı rol və gender bərabərliyinin formalaşma mərhələləri haqqında məlumat verib. Tədbir çərçivəsində tələbələrin iştirakı ilə qadınların keçmişdən bu günə cəmiyyətdə mövqeyini əks etdirən səhnəcik nümayiş etdirilib, musiqi nömrələri təqdim olunub. Ardınca kafedranın müəllimi Xavər Kərimovanın Azərbaycan Respublikasının Birinci vitse-prezidenti Mehriban xanım Əliyevanın ictimai və mədəni fəaliyyətinə dair hazırladığı videoçarx təqdim olunub. Daha sonra fakültənin qadın əməkdaşlarına təşəkkür və təbrik sertifikatları təqdim olunub. Tədbir fakültə dekanı, dosent Xalidə Həsənovanın yekun nitqi ilə başa çatıb və qadınlara bayram təbrikləri çatdırılıb.